Trenbidea lurperatzearen aldeko plataformak dei egin die herritarrei ostegunean elkarretaratzea egiteko ohiko plenoaren atarian. Lege Zaharren enparantzan bilduko dira 19:15ean eta udaletxera sartuko dira "ekitaldiaren garrantzia dela eta"; izan ere, plataformak proposatutako trenbidea lurperatzeko proiektuari babesa adierazteko akordio instituzionala izango dute hizpide plenoan.
Plataformak zehaztu duenez, proiektua gauzatzeko beharrezkoak diren konpromisoak jaso dituzte akordio horretan eta aldez aurretik adostu dute udalerriari ordezkaritza ematen dioten eragile politiko eta sozialekin.