Asteburuan fin ibili dira Eulen-Nuuk txirrindulari taldeko neska-mutilak. Igandean, Bilbon, esaterako, Paula Suarezek bigarren egin zuen Green Series modalitatean.
Larunbatean, berriz, Berriatuako (Bizkaia) lasterketan, zortzigarren izan zen Esparza gizonezkoen lehian. 161 txirrindularitik 32k bakarrik amaitu zuten lasterketa hori.
Jira-Birak jakinarazi duenez, Extremadurako Itzulirantz abiatuko dira gizonezkoen taldeko zazpi kide bihar, asteartea, han bost etapa korritzeko: Vierge, Rojas, Ortiz, Intxausti, Eizagirre, Esparza eta Aransolo aukeratu ditu David Etxebarria entrenatzaileak.
Hara joaten ez direnek, Laukizen (Bizkaia) eta Lizarran (Nafarroa) jokatuko dituzte txirrindularitza probak.