6.000 emakumek hartu dute parte atzo Donostiako 33. Lilatoian, eta horien artean hainbat zarauztar izan ziren. Inoizko jendetsuena izan zen, iaz baino mila korrikalari gehiagorekin. Nerea Egia Larrinaga izan da helmugara iritsi den lehenengo emakumea, eta 17 minutu eta 45 segundo behar izan ditu bost kilometroko ibilbidea osatzeko.
Gainerako parte hartzaile guztiak ere pozik eta hunkituta iritsi dira helmugara, elkarri eskutik helduta batzuk, eta txaloka besteak. Egundoko giroa nagusitu zen egun osoan, bai lasterketa aurretik, Bulebarrean eginiko zumba beroketa saioarekin, baita ondoren ere, eguerdiko Lilapotearekin.
