Azken txanpan sartuta dago jada Cimasub Nazioarteko Itsaspeko Zinema Zikloaren 13. edizioa. Horren erakusle da gaur emango dituztela azken ikus-entzunezkoak. Merkatu plazako erakusketa, berriz, bihar itxiko dute.
Ondorioz, gaur arratsaldekoa izango da azken aukera mundu zabaleko itsaso eta ozeanoetako egoeraren erakusgarri diren dokumental eta film laburrak ikusteko. Zortzi dira 19:00etatik aurrera Modelo Aretoan eskainiko dituzten lan laburrak, eta aurreko bi asteazkenetan bezala, doakoa izango da sarrera.
Gaurko egitaraua
19:00. Modelo aretoan, ondorengo zortzi ikus-entzunezkoak:
- Seasons in the Pacific Northwest (Juan Francisco Rodriguez)
- Diaporama edizio honetako argazki onenekin
- Plastic Ecosystem (Stefie Gan)
- Give it a try (Victor Sanchez Sayago)
- VIP (Mahmood Yazdani Bahramabadi)
- Malpelo: Mountain of Sharks (Kevin Mannens)
- Underwater Reel Canon C70 RAW (Alex del Olmo eta Lidia Martinez Seara)
- Salvar Tenerife (Felipe Ravina Olivares).