Bihar egingo du urteko bigarren odol ateraldia Zarautzen Gipuzkoako Odol Emaileen Elkarteak. Hain zuzen, herritarrek 16:30etik 20:30etara izango dute odola emateko aukera anbulatorioan. Horretarako, ordea, izena aurrez eman beharko dute. Egun horretan bertan, goizez, telefonoz deitu behar da 943-00 78 85 telefono zenbakira.
Momentuz, Zarautzen hurrengo hilabeteetan egingo dituzten hitzorduak zehaztuta ditu Gipuzkoako Odol Emaileen Elkarteak: Martxoak 15, apirilak 19, maiatzak 17, ekainak 14, uztailak 12, irailak 13 eta urriak 18. Abuztuan ez dute odol ateraldirik egingo, eta azaroko eta abenduko hitzorduak oraindik zehaztu gabe daude.