Asteburu honetan emango diete amaiera Urteta auzoko aurtengo Sansebastian jaiei. Joan den asteko ostiralean abiatu zituzten eta bihar gaueko kontzertuak eta igandeko bazkaria izango dira azken ekitaldiak.
Gauzak horrela, bihar parranda egiteko aukera izango da berriro, auzo elkartean 22:30ean hasiko diren GZR eta Fan&Go musika taldeen kontzertuekin. Biharamunean, auzoko edadetuen omenez bazkaria egingo dute Neska-Mutil Ardoko kideen eskutik.