Merkatu Plazako postuetan kontsumitzea sustatu asmoz, material ekologikoz egindako poltsak banatuko dituzte bertako kontsumitzaileen artean. 540 poltsa emango dituzte orotara eta 2.646, 27 eurokoa inbertsioa egin du udalak horretarako.
Yute izeneko material ekologikoa da poltsak egiteko erabili dutena plastikoa erabat baztertuta eta Merkatu Plazako postuetako bakoitzak hogei banatu ahalko ditu. Astelehenetik aurrera izango dira eskuragarri.