Zarautz Abesbatzak II. Gabon Kontzertu Solidarioa eskainiko du bihar, eta oraingoan, Hotz Zarautz Gobernuz Kanpoko Erakundearekin (GKE) elkarlanean antolatu dute, azken honek jasoko du emanaldian biltzen dirua errefuxiatuekin aldeko proiektuetara bideratzeko. Frantziskotarren elizan izango da, 20:15ean hasita, eta doako izango bada ere, borondatea eskatuko diete gerturatzen diren entzuleei.
2018an antolatu zuen lehen aldiz Zarautz Abesbatzak ekimen solidarioa, eta orduko hartan Munduko Begiak erakundearekin antolatu zuen. Esperientzia hura berriro errepikatze aldera eta jarraipena emateko asmoz heldu diote aurten berriro. Jaione Escudero zuzendarian hitzetan, "diruz laguntza askorik lortuko ez bada ere, jendea sentsibilizatzeko balioko duela uste dugu, gure ahotsa eta bihotza jarriko dugu jendearengana iritsi dadin".
Emanaldian Zarautz Abesbatzako hiru taldeek hartuko dute parte, eta haiekin batera Zarauzko Musika Bandako bost musikari ariko dira.