Zinema eskaintzarik ez da izango gaur, igandean soilik zabalduko ditu ateak Modeloko zinema aretoak asteburu honetan James Gray zinegileak zuzenduriko Armageddon Time filma eskaintzeko. Dena den, astelehenean ikuslearen egunean ere izango da zinemaz gozatzeko aukera.
Paul Graff izeneko gaztetxoa izango da filmeko protagonista eta Michael Banks Repetak gorpuztuko du. Pantailan, aitonaren eta gurasoen paperak jokatuko dituzten Anthony Hopkins, Anne Hathaway eta Jeremy Strong izango ditu lagun. Hala, gurasoek haurra eskolaz aldatzeko hartu duten erabakiak haren bizitza nola aldatuko duen erakutsiko du filmak; izan ere, ordura arte izan duen lagunik onena baztertzera behartuko du bere burua Graffek laguna beltza delako.
Abenduak 18, igandea
19:15. Armageddon Time
Abenduak 19, astelehena (ikusleen eguna)
17:00. Armageddon Time
20:30. Armageddon Time
Abenduak 20, asteartea
20:15. Saio originala: Suro