Surf egokituan urrats berria egin du bart Ibon Oregi Zarauzko bizilagunak. Irailean Espainiako Txapelketa irabazi zuen belauniko egiten den surf modalitatean, eta atzo, Kalifornian (AEB), podiumaren atarian gelditu zen Munduko Txapelketan, laugarren eginda.
Oregi kirolari sutsua zen 2020ko urrian istripu batean hanka galdu zuenean, eta osatu ondoren, kirola egiten jarraitu nahi izan du.
Surf egokituan hirugarren txapelketa izan da beretzat AEBetakoa, Espainiako Txapelketaren eta Pro Zarautz txapelketaren ondotik.