Oliver Hirschbiegel zinemagilea aztertuko dute gaur Photomuseumen

Gela programaren barruan eskainiko diote gaurko saioa artista alemaniarrari arratsaldeko 18:00etan hasita, doako sarrerarekin. 2004an Adolf Hitlerren azken egunak jasotzeko egin zuen Der Untergang filma da bere lan ezagunenetakoa. Ikus-entzunezkoak eztabaida eragin zuen Alemanian buruzagi naziak aurkezteko moduagatik eta hainbat sari irabazi zituen. Oscar sarietan atzerriko film onena izateko hautagai ere izan zen.