Umorea eta sexualitatea uztartzen ditu Belarri bero, bai esan? telesailak eta udaleko Parekidetasun departamentuak antolatuta eskainiko da ostiralean 20:00etan.
15 minutu inguruko 6 atalek osatzen dute ikus-entzunezkoa eta guztiak proiektatuko dira bata bestearen atzetik. Bertan, Belarri bero telefono linea erotikoaren gorabeherak kontatuko dira. Maldan behera doa enpresa, baina negozioaren nagusiak ezkutatu egin die dituen 3 langileei.
Uxue Amonarriz, Aitor Altuna eta Uxue Bereziartua dira telesailaren sortzaileak eta Olatz Beobide, Nerea Arriola, Olaia Gil eta Dorleta Urretabizkaia aktoreek gorpuzten dituzte 4 emakume protagonistak.
Sarrerak Modelo Aretoko txarteldegian zein Kutxabankeko atari digitalean daude eskuragarri 6 euroan.