Gaur goizean, herritar ugari bildu da Orokieta Eskolako jolaslekuan, Bihotzez elkartearen aldeko martxan eta lasterketan parte hartzeko. Bihotzez elkartea sortzetiko kardiopatiak dituzten haurrei eta gazteei eta horien familiei laguntzeko sortu zen, eta orientazioa eta arreta psikologikoa eskaintzen die familiei. Hala, Bihotzez elkartearen alde oinez eta korrika abiatu dira parte-hartzaileak, Orokieta Eskolatik, eta giro ederra izan da hitzorduan.
Lasterketaren amaieran, ibilbidearen seinalizazioarekin arazo bat izan da, eta lasterketaren buruan ziren lasterkariek norabide desberdina hartu dute, helmugara atzeko aldetik iritsiz. Hori dela-eta, lehenengo iritsi diren parte-hartzaile horien denborak ez ditu kontutan hartu lasterketako epaileak, helmuga markatutako ibilbidetik zeharkatu ez dutelako.