Eskarmentu handiko talde beteranoak, urte gutxi batzuk daramatzatenak eta estreinakoz hondarretara jaisten zirenak bat egin dute, bakoitzak bere elastikoa defendatzeko gogoarekin. Eguzkia lagun eta tenperatura gozoa egin du, eta hori atsegina izan da bai jokalarientzat, baita ikustera joan diren lagun, familiarteko eta zaleentzat.
Lehiak lehia eta emaitza edozein izanda ere, kirol legea eta lagunartea nagusitu da beste behin. Azken finean, giro hori da antolakuntzatik sustatu nahi dutena. Horregatik, jardunaldia amaitutakoan plaiero potea egin dute Arrano tabernan.
