Benidormeko hilketa matxista salatzeko elkarretaratzea deitu dute biharko

Emakume soraluzear bat hil zuen ustez haren senarrak labankadaz astelehenean, Benidormen zuten etxean. Hilketa matxista salatzeko elkarretaratzera deitu du bihar arratsalderako Itaiak. Hala zabaldu du sare sozialetan: «Erasotzaileek duten inpunitatearekin amaitu eta babesa antolatu behar dugu». 19:30ean jarri dute hitzordua, Lege Zaharren enparantzan, eta dei egiten diete herritarrei mobilizazioan parte hartzera.