Espainiako Vueltak N-634 errepidearen zirkulazioari eragingo dio bihar eguerdi partean Zarautzen eta inguruko herrietan. Txirrindulariek Irunen hasiko dute biharko saioa, eta Bilbon amaitu. Oriotik Zarautzera iritsiko dira; zehazki, 13.58an aurreikusten da Nafarroa kaletik igarotzea, eta handik Getariara joko dute.
Zarauzko Udalak jakinarazi du errepidea erabat itxita egongo dela 12:00etatik 14:00etara. Era berean, ordu tarte horietarako hainbat gomendio eman ditu: ibilgailuek Nafarroa kalea ekiditea; A-8 autobidea erabiltzea, N-634 errepidea saihestuz; Nafarroa kalearen inguruan bizi direnek ibilgailua ezingo dutenez atera, Gipuzkoa kalean aparkatzea, autobidera atera ahal izateko.