ZKE Zarauzko Kirol Elkarteko futbol atalaren, Real Sociedad Fundazioaren eta Zarauzko Udalaren elkarlanaren bitartez, Realak eta ASJ Soyaux talde frantziarrak lagunarteko futbol partida jokatuko dute bihar arratsaldean Asti futbol zelaian.
Norgehiagoka 18:00etan hasiko da, eta sarrerak egunean bertan erosi ahalko dira kirolgunearen sarreran bertan. Helduek 5 euro ordaindu beharko dute, eta 18 urteti beherakoentzat, berriz, dohainik izango da
Lehen mailako lehia aurreikusten da; izan ere, bi taldeek beren lehiaketetarako prestatzeko baliatuko dute elkarren arteko neurketa. Natalia Arroyoren talde txuri-urdinak jardunaldi bikoitza izango du aste honetan, gainera. Zarauzkoaz gain, igandean EH Kopako finalerdiak jokatuko ditu Tolosan, Athleticen aurka, 16:00etatik aurrera.