Animalia naiz eta beraien lehen diskoko hainbat abesti aurkeztu zituzten 34. Udako Musikaldiaren barruan, eta bertaratu zen jende andana atsegin handiz jarraitu zuen Ipar Euskal Herriko musikari-kantarien proposamenarekin; beste behin, eliza erabat bete zen emanaldirako.
Musika klasikoa eta euskal tradizioa uztartu zituen txelo, alto eta biolin hirukoteak, Bitoriano Gandiaga, Beñat Etxepare, Etxamendi ta Larralde eta Joseba Sarrionandiaren hitzak erabiliz, eta, besteak beste, Kristof Hiriarten musika eta moldaketekin.
Amaierarako, Olerkia abestia utzi zuten, non trundele, trundele errepikatzen duten estrofa bezala. Horren sarkorra izaki, emanaldia biribiltzeko, publikoa kantari jarri zuten bigarren aldiz interpretatuz. Oro har, emanaldi osoan zehar lortu zuten ikuslearekin konektatzea. Ondorioz, txalo zaparra galantak jaso zituzten kontzertu amaieran.