Gela programaren barruko ostiral honetako saioan, Lisandro Alonso zinema zuzendari argentinarraren lana aztertuko dute gaur Photomuseumen.
Buenos Aires hiriburuan jaio zen Alonso, eta 2001az geroztik bost film zuzendu ditu: La libertad, Los muertos, Fantasma, Liverpool eta Jauja. Torontoko film jaialdirako hautatuak izan ziren horietako bi, eta Principado de Asturias saria ere eskuratu zuten.
Argentinarraren lanaz gehiago jakin nahi duenak gaur 18:00etan izango du horretarako aukera, doan, Photomuseumera bertaratuta.