Bigarrenez irabazi du Adur Amatriain zarauztarrak Abanca Pantin Classic Galicia Pro surf txapelketa. Coruñako (Galizia) Valdoviño herriko Pantin hondartzan jokatu zuten atzo Qualifying Series zirkuituko lehia, eta Kai Odriozola donostiarra izan zen bigarren.
Final estu-estua jokatu zuten bi gipuzkoarrek eta, azkenean, 11.67ko puntuazioarekin gailendu zitzaion Amatriain Odriozolari (11.54ko puntuaioa eskuratu zuen donostiarrak).
Nadia Erostarbe eta Ruben Vitoria zarauztarrek ere parte hartu zuten lehiaketan, baina ez zuten lortu sailkapenaren goiko aldean geratzea.