Izena eman daiteke Zarautz Abesbatza osatzen duten hiru taldeetan: Txinpirin, Zarautz-Txiki eta Zarautz abesbatzetan.
Adin desberdinetako abeslariei bideratuta dago talde bakoitza. LH 2 eta LH 5 mailen artean dauden haurrek parte har dezakete Txinpirinen, eta entseguak ostiraletan egiten dituzte, 18:00etatik 19:00etara. Zarautz-Txiki, berriz, 12 urtetik 18ra bitarteko gazteek osatzen dute, eta entseguak astelehenetan eta asteazkenetan izaten dituzte, 19:00etatik 20:00etara.
Azkenik, helduen Zarautz Abesbatzak astearteetan eta ostegunetan entseatzen du, 20:30etik 22:00etara. Zehazki, gizonezko ahots grabeen bila dabiltza uneotan. Hala ere, abestea gustuko duen, musikarako belarri ona duen eta musika irakurtzen moldatzen den herritar orori luzatu diote taldean sartzeko deia.
Izena eman nahi duenak abesbatza.zarautz@gmail.com helbidera idatzita eman dezake, edota zuzenean Villa Mundara azaldu, interesa duen taldearen entsegu orduetan.