Mendi Filmeko hiru pelikula ikusteko aukera izango da bihar

Aritz Mutiozabal 2022ko maiatzaren 25a
Deskargatu Info Ahotsak :

Bilboko Mendi Film nazioarteko zinemaldiko pelikula onenen zirkuitu ibiltariaren bigarren eta azken txanda egingo dute bihar, 20:00etan hasita, Modelo aretoan. Amagana, The Traverse eta Black Ice lanak ikusteko aukera izango da, eta sarrera 5 euroan eskuaratu ahal izango da txarteldegian.

  • Amagana. 2021eko Mendi Filmean, Euskarazko Film Onenaren Saria. Itziar Zabala Baltzolako kobaren altzoan hazi eta hezitako puntako eskalatzailea da. Hari zor dion debozioak darama, berriro, amagana.
  • The Traverse. 2021eko Mendi Filmean, Epaimahaiaren Saria. Valentine Fabre eta Hillary Gerardi, goi-mailako bi atleta, Chamonix eta Zermatt lotzen dituen Haute Route ibilbidea geldialdirik gabe eskiatzen duten lehen emakumeak izateko erronkan murgilduko dira.
  • Black Ice. 2021eko Mendi Filmean, Eskalada Film Onena. Larruazal beltzekoentzat ezohikoa den jokogune bat: elurra eta izotz hormak. Eta berezko dituzten ezaugarriak: anaitasuna eta rollo ona. Menphistar batzuk protagonista, alpinista izatea zer den ikasi nahi dutenak haien irakaslearengan uste on osoa jarriz: Conrad Anker.

Kirola Zarautz

Zarautz Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide