-1-
Umea zela saihesten zuen
arrantzaren deiadarra
Beti prest alboan zuelako
bere amaren bularra
-2-
Gero zaletasuna izanik
Etenik gabe arrantza
Jateko garaian sortzen zion
arrainak kriston zalantza
-3-
Ondo pentsatzen jarri ezkero
hau da arraro samarra
Bera kide artean zelako
arrantz egile bakarra
-4-
Bere arrantza nabaria zen
Inguruko auzoetan
Ikusi ta usaindu ez arren
Argiro belarrietan
-5-
Arrantza egin nahi ta lortzen ez
Gogorra da. Ezin uka!!
Horren eraginez egoten zen
Erabat aztoratuta
-6-
Bere jarreraren zergatiak
Argia du arrastoa
Elikadura oron artean
gustuko zuen lastoa
-7-
Ingurukoak aipatzen zuten
berak zuen ostikada
Baina futbol munduan zehazki
etzen ezaguna, hara!!
-8-
Dirudienez ibilia zen
noizbait betaurrekoekin
Bururako txapel dotorea
eta gabardinarekin
-9-
Bidaiatzean bera azpian
goian Domingo Kanpaina
Parekatuaz izanagaitik
berdintsuak alajaina!!
-10-
Elorrion ere ibili zen
gaindituz hainbat arazo
Sei kide eta bera azpian
Gainean hamalau atso
-11-
Olentzero gainean zuela
Joan omen zen urrutira
Galdu ondoren errudun zela
eta belarritik tira