Datorren apirilaren 23an eta 24an egingo du 10 orduko Lehen Sorospen ikastaroa DYA Gipuzkoak. Asteburuan zehar burutuko da ikastaroa, eta edonork hartu dezake parte bertan. Larunbatean eta igandean 09:00etatik 14:00etara bitartean egingo dituzte saioak, Zarauzko DYAko Ordezkaritzan.
Ikastaroaren egitarauak egunerokoan topa daitezkeen arriskurik nagusienak lantzen ditu, eta hauei aurre nola egin eta nola ebatzi irakatsiko da: Bihotz birika susperketa, zauriak, hausturak eta erredurak, besteak beste.
Ikastaroaren kostua 60 eurokoa da, eta ikasle kopurua mugatua izango da "ikastaroaren kalitatea bermatzeko". Izena emateko edota informazio gehiago lortzeko, 943-46 46 22 zenbakira deitu edo www.dyagipuzkoa.com helbidera idatzi beharko da.