Zarauzko Udalak hasiera eman dio ordezko bake-epaile kargua aukeratzeko deialdiari. Postu hori betetzeko interesa duen orok prozesuaren eta lanpostuaren inguruko informazio zehatza jaso ahalko du Herritarren Arreta Zerbitzuan, apirilaren 4a bitartean.
Eskabideak aurkezteko epea amaitutakoan, eskaera egin duten pertsona guztien artetik bake-epailea aukeratuko du Udalak. Eskatzailerik ez badago, Udalbatzak modu askean aukeratuko du bake-epailea, prozeduraren baldintza berdinekin.