Bueltan da ZarautzOn Elkartea, eta ziklo berriari hasiera emateko lehenengo hitzordua datorren asteartean, martxoaren 15ean, jarri dute Antoniano aretoan. Genoma ardatz hartuta, haren ezaugarriei buruz arituko da Ana Zubiaga Euskal Herriko Unibertsitateko Genetika Arloko katedraduna. Minbiziaren garapenean parte hartzen duten geneen azterketan espezializatua da Zubiaga, eta gaiaren inguruko argibideak azaltzen arituko da, 19:30ean hasita.
Datozen egunetan hurrengo asteetarako hitzordu gehiago iragarriko ditu ZarautzOn Elkarteak.