Tarteka zirimiria egin badu ere, eguraldiak nolabait ere eutsi egin dio eguerdian eta ez ditu zapuztu Hondartzako Futbol Txapelketako partidak . Emakumezkoek zazpigarren jardunaldia izan dute jokoan, eta gizonezkoek, berriz, zortzigarrena. Beti bezala, askotariko jokaldiak eta golak izan dira, eta emaitzak ere batzuen gustukoak eta, aitzitik, besteen desatseginekoak. Nolanahi ere, kirol ekitaldi atseginaz gozatu dute beste behin ere parte hartzaileek, baina baita ikustera bertaratu diren herritarrek ere.