Jira-Bira txirrindularitza taldeak Essor Basque txapelketako lasterketekin hasiko du 2022ko denboraldi berria. Bihar izango dute lehen lasterketa, 14:00etan Bokalen (Lapurdi) hasita. Honako txirrindulari hauek aterako dira biharko lasterketan: Unai Esparza, Aritz Urra, Julen Garcia, Andoni Azkarate, Asier Azkarate, Iñigo Izagirre, Hodei Murcia, Xabi Aransolo eta Aratz Guridi.
Igandean berriz, txapelketa bereko bigarren lasterketa izango dute txirrindulari gazteek, Kanbotik (Lapurdi) abiatuta. Aransoloren eta Guridiren ordez, Ekain Ajerrista eta Oier Albizua aterako dira pedalei eragitera igandean.