Ezjakintasunaren zientzia izango dute hizpide Photomuseumen

Agnotologia edo ezjakintasunaren zientziari erreparatuko diote ostiral honetako Photomuseumeko saioan. Ezagutza zientifikoa ez da beti izan egun bezain zabala, zehatza eta partekatua eta, hala ere, inoiz ez da horren zalantzan egon. Gizartean sortutako ezjakintasuna ikertzen duen ikerketa eremua da agnotologia; nolabait ere, datu zientifiko okerren edo helburu alderdikoiak dituztenen hedapenari lotuta dago.