Bizikletak garbitzeko gune berria jarri du udalak Abendañoko kirolgunean, herritarren eskaerei eta beharrei erantzunez. Udal Brigadaren eta Kirol departamentuaren arteko elkarlanaren bidez egin ahal izan dira gune berriko lanak, eta guztira 2.732,9 euroko (BEZ barne) kostua du.
Zarautzen bizikletan ibiltzeko kultura eta ohitura handia dago, eta pandemiaren ondoren, zaletasuna areagotu egin dela nabarmendu du Leire Arana Kirol zinegotziak. "Inguru ederra daukagu mendiko zein errepideko bizikletan aritzeko eta horrelako gune baten beharra zegoela uste dugu. Hainbat herritarrek eskatu digute azken aldian eta Zarautzen, dudarik gabe, beharrezkoa zen eta honen aldeko apustua egin dugu", zehaztu du.