Zarauzko Udalaren eta Gipuzkoako Foru Aldundiaren eskutik, organo emanaldiaz gozatzeko aukera izango dute herritarrek bihar iluntzean, 20:00etan hasita. Parrokian, izan ere, lau eskutara organo kontzertua eskainiko dute Loreto Aramendik eta Sarah Perarnaud-ek.
Aramendik urteak daramatza organoa jotzen, eta Perarnaud, berriz, gaztetxoa da oraindik, baina parte hartu izan du kontzertuetan; aurten bertan, esaterako, Organo Erromantikoaren zikloaren barruan izan da Azkoitian, orduan ere Aramendirekin batera.
Sarrera doakoa izango da.