Bilboko Udalak ostegun eguerdian banatu zituen urtero antolatu ohi dituen literatur sariketetako sariak, tartean Gabriel Aresti ipuin lehiaketakoak. Euskarako modalitatean, aurtengo garailea Karmele Mitxelena oiartzuarra izan da Begi urdinak lanarekin, baina urtero bezala bi akzesit banatzen dituzte, eta horietako bat Nerea Arruti zarauztarrari eman diote.
Londresko Goldsmith's Collegen, Eskoziako Aberdeen Unibertsitatean eta EHUn irakasle izana da Arruti, eta Lope de Aguirre, Traidore izeneko lanari esker, 1.750 euroko saria eman diote. Epaimahaiak nabarmendu du bi istorio direla narrazio baten barruan, tradiziozkoak, oso naturalak, literatur kutsuz beteak. Bestea akzesita, berriz, Juan Mari Atutxa dimarraren Mandragorak eta azeri-buztanak lanarentzat izan da.