Pilota Egokituko Espainiako Txapelketako finalak jokatu zituzten atzo Iruñeko Labrit pilotalekuan, eta dibertsitate funtzionala dutenen mailan, paletarekin, Xabi Villar zarauztarrak eta Eneko Sagarmendi mutrikuarrak osatutako bikotea izan zen nagusi.
Aurrez aurre Zumaiako Pilota Elkarteko kide Leire Esnal zumaiarra eta Jurdan Arakistain zestoarra izan zituzten, baina txapeldunek hasieratik agindu zuten. Bi partida jokatu zituzten, eta biak aise garatu ondoren (10-3 eta 10-4), txapela eskuratu zuten.