Etxebeltz bertso eskolaren habia izan da orain arte Salbatore Mitxelena Ikastola. Egun herriko bi bertso eskolak batu eta Motxian Etxebeltz Bertsogunea sortuta, Villa Munda da haien egoitza. Hori dela eta, Ikastolak urte luzez egindako lana eskertze aldera, ostiralean ekitaldi berezia egin zuten Etxebeltzeko belaunaldi ezberdinetako kideek Modelo aretoan.