Eider Zubizarreta txapeldun, pilotako hastapen mailan

Lau eta erdiko Master Laboral Kutxako final nagusia hilaren 19an bada ere, joan den larunbatean azpiko mailetako finalak jokatu zituzten Abadiñoko pilotalekuan. Pilota goxoko hastapen mailan, Eider Zubizarreta zarauztarra izan zen txapeldun, finalean Lide Lopez ataundarrari nagusitasunez irabazi ondoren. 18-4ko emaitzarekin hartu zuen mendean.