Asteburuan Pro Games Fitness Championship crossfit txapelketa jokatu dute Santanderren (Kantabria, Espainia), eta Zarauzko kirolariek emaitza ezin hobeak erdietsi dituzte bi modalitatetan: taldekakoan eta gizonezkoen bikotekakoan, hain justu. Taldekako lehian, Lierni Osa eta Erika Sanchez zarauztarrek eta Aitor Azpiazu eta Jon Lapeira azpeitiarrek osatutakoa izan da denetan onena; eta gizonezkoen bikotekakoan, Inaxio Illarramendi eta Ander Garate zarauztarrek jantzi dute txapela. Lorpenekin gustura, asteburu bikaina izan dela adierazi dute irabazleek, eta gogor entrenatzen jarraituko dutela horrelako gehiago etor daitezen.
