Zumaiako Udalak gaur eman du Julene Azpeitia ipuin lehiaketaren 34. edizioan saritutako hiru idazleen berri. Hain zuzen ere, Goiatz Labandibar, Aritz Mutiozabal zarauztarraren eta Antton Peñalbaren lanak nabarmendu ditu, Ana Urkizak, Castillo Suarezek eta Josu Waliñok eratutako epaimahaiak.
Udalak azaldu duenez, 38 lan aurkeztu dituzte aurten lehiaketara, "iaz baino nabarmen gutxiago". Horietatik guztietatik, 6 izan dira egile zumaiarrenak. Euskal Herri txoko desberdinetatik bidali dituzte lanak lehiaketara, eta sari handiena (3.000 euro) Goiatz Labandibarrentzat izan da, Alter Egoak ipuinari esker.
Epaimahaik nabarmendu duenez, Labandibarrek lehen aldiz irabazi du lehiaketa. "Oso era garbi eta zuzenean idatzitako ipuin honek politikoki zuzena izateari kritika egiten dio". Aritz Mutiozabalek irabazi du bigarren saria, Zerua itsaso zikin bat da lanarekin. Zarauztarrak 1.500 euro jasoko ditu."Egileak umore eta ironia handiz euskal mito ukiezin bati buelta ematen dio", egin du azpimarra du epaimahaiak. Zumaiar onenaren saria, aldiz, Antton Peñalbari eman diote, Medicitarren abaroan lanagatik. Ipuineko pertsonaien deskribapenak "oso onak" direla erabaki du epaimahaiak, eta elkarrizketak "oso biziak".
Sari banaketa, ostegunean
Ipuin lehiaketaren sari banaketa hilaren 2an egingo da, ostegun honetan, 19:00etan Oxford aretoan. Segidan, Fito Rodriguez idazleak Literaturaren ihesbideak & ihesbidearen literaturak irakurraldi musikatua egingo du.