Egurrezko hesiak jarri dituzte Vista Alegren

Aritz Mutiozabal 2021eko azaroaren 10a

Iban San Martin zinegotzia Vista Alegre auzoko hesien ondoan. (Zarauzko Udala)

Udalak egurrezko hesiak jarri ditu Vista Alegre auzoko goiko partean, auzo elkartearen egoitzaren parean, oinezkoen pasabidea eta belargunea banatzeko. Guztira, 80 metro hesi atondu dituzte: pinu egurrez eginda daude eta kanpoaldean irauteko tratamendu berezia jaso dute.

Azpiazu Obra eta Zerbitzuak SL enpresari egokitu dizkiote lan hauek egitearen ardura, 3.900 euroko (BEZ barne) aurrekontuarekin.

Udalak jakitera eman duenez, datozen egunetan Iñurritza auzoan mota bereko 100 metro hesi jarriko dituzte.

Zarautz Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide