Arkamurka Natura Elkarteak dokumental eta solasaldi saioak antolatu ditu bihar arratsalderako, 19:00etan hasita, Modelo aretoa. Alde batetik, Jose Diaz mendizale eta argazkilariak Asturiasko mendietan bakar-bakarrik ehun egunez bizitako abentura jasotzen duen dokumentala izango da ikusgai, 100 dias de soledad filmaren bitartez.
Ondoren, biologian doktorea den Aitor Galarza naturazalearekin solasaldia izango da. Hainbat lan zientifiko eta libururen egilea da, besteak beste, urte luzez Euskal Herriko ornitologoentzat erreferente izan den Abifaunaren banaketa espaziotenporala Euskal Autonomi Elkartean lanaren egilea. Gaur egun Bizkaiko basozaina izateaz gain, Aranzadi elkarteko kide ere bada eta proiektu askotan dago murgildua..