Amaia Zubiariaren kantaldi intimoak jarri dio ginga Adarretatik jaialdiari

Adarretatik Musika Jaialdia itxi zuten Amaia Zubiriak, Karlos Gimenezek, Gonzalo Tejadak eta Luis Caminok osatutako laukoak, asteazken arratsean. Modelo aretoko edukiera bete egin zen, eta jendeak atseginez gozatu zuen taldeak eskainitako emanaldi intimoa. Saioaren amaieran Mikel Makala antolatzaileak lore sorta eskaini zion Amaia Zubiriari.