Putzuzulo gaztetxean egun osoko egitaraua prestatu du Danda Gazte Asanbladak hilaren 11rako, datorren larunbaterako. Euskal Jai Mod izena jarri dio asanbladak egunari, eta 13:00etan abiatuko dute, brindisarekin. 14:00etan bazkaria izango da, eta bazkalostean, berriz, bingo musikatua. Iluntzean, 20:00etatik aurrera, bi kontzertu izango dira gaztetxean bertan: Diabolo Kiwi eta Martin de Marte.
Jakitera eman dutenez, egun osorako sarrerak 10 euroan salduko dituzte egunean bertan, 13:00etatik aurrera. Goizean bukatzen ez badira, kontzertuetarako sarrerak 20:00etan jarriko dituzte salgai, 5 euroan. Zehaztu dute pertsonako bi sarrera erosi ahalko direla.