Adarretatik musika jaialdiak ezin izan zuen behar bezala biribildu ekitaldia, taldekideetako baten osasun arazoak zirela medio, Amaia Zubiria, Karlos Jimenez, Gonzalo Tejada eta Luis Caminoren kontzertua bertan behera geratu zelako. Orain, ia bi hilabete geroago, emanaldi hura berreskuratu eta Euskal Astean txertatuta, datorren irailaren 8an gozatzeko parada izango da. Modelo aretoan eskainiko dute zuzenekoa, 19:30ean hasita.
Sarrera doakoa izango da, edukiera bete arte, baina gonbidapenak hartu beharko dira aurrez. Gonbidapen txartelak Modeloko txarteldegian banatuko dituzte egunean bertan, 17:30etik aurrera, eta pertsonako bi emango dituzte gehienez .