Alex Padilla 19 urtez azpiko Espainiako selekziorako deitu dute

Athleticeko filiala den Baskonia taldeko atezain Alex Padilla zarauztarra deitu du Espainiako selekzioak, 19 urtez azpiko taldearekin jokatzeko. Atzo batu zen El Albir (Alacant, Herrialde Katalanak) egingo duten kontzentraziora, eta datozen asteetan bi lagunarteko partida jokatuko dituzte Mexikoren aurka, Europako Txapelketarako prestatzeko.