Gaur bukatu da ETE liga, Erandion jokatutako erlojupeko estropadarekin, eta Zarauzko traineruak denboraldiko probarik txukunena jokatu du. Joan den astean zapore gaziarekin bukatu zuen jardunaldia, baina gaurkoan seigarren postuan sailkatu da. Emaitza dotorea denboraldi amaiera honetara, kontuan izanda bederatzigarren toki horretan gorabehera ibili dela astero-astero. Azkenik, ETE liga bederatzigarren postuan bukatu du, 3,50 punturekin.
Bihar, ligatik kanpo, Emakumezkoen V. Udako Donostiarra Banderan izango dira, Urumea ibaian, 12:15etik aurrera. Asteazkenean, berriz, Kontxako sailkatze estropadan.
SAILKAPENA
| POSTUA | ELKARTEA | DENBORA | |
|---|---|---|---|
| 1 | TOLOSALDEA A.K. | 10:54,17 | |
| 2 | DEUSTO-TECUNI-BILBAO | 10:56,75 | |
| 3 | HIBAIKA JAMONES ANCIN | 11:00,19 | |
| 4 | SAN JUAN-IGARTZA | 11:05,43 | |
| 5 | DELTECO ZUMAIA | 11:08,15 | |
| 6 | ZARAUTZ-GESALAGA-OKELAN | 11:22,72 | |
| 7 | LUTXANA A.E. | 11:25,07 | |
| 8 | ONDARROA-CIKAUTXO | 11:31,68 | |
| 9 | LAPURDI | 11:37,51 | |
| 10 | ISUNTZA-ELECNOR | 11:38,77 | |
| 11 | CASTRO CANTERAS DE SANTULLAN | 12:21,33 |
