Uztaileko ostegunen ildo beretik, datorren ostegunerako ere egitarau berezia prestatu du Danda Gazte Asanbladak. Goizean, 10:00etan, auzolanerako deialdia egin du asanbladak. Arratsaldean, berriz, hitzaldia izango da 17:00etan. Gaztetxea bera izango dute hizpide Gaztetxea, noren etxea? hitzaldian, eta ondoren, 19:00etan, Argirumaiaken eta Parkaturen kontzertuak izango dira.
Sarrerak 16:30ean jarriko dituzte salgai gaztetxean bertan, hiru euroan. Pertsonako bi sarrera erosi ahalko dira gehienez ere.