Urrutikoetxea eta Martija, Peio Etxeberria eta Albisuren aurka neurtu ziren atzo Zarauzko Aritzbatalde frontoian, Masters Caixabank txapelketako sailkatze ligan. Bi bikoteak bi punturekin ziren norgehiagoka hasi aurretik, eta zaletuak ikuskizun eder baten bila inguratu ziren frontoira. Ezin izan zuen hala izan.
Urrutikoetxea eta Martija 12 eta 8 aurretik zirela, Peio Etxeberria erretiratu beharrean aurkitu zen ezker sorbaldan zituen minengatik. Zenozko aurrelaria nahi gabe jo da Mikel Urrutikoetxearekin partidako lehen konpasetan. Hamabigarren puntuko atsedenaldiaren ondoren erretiratzeko erabakia hartu du. Partida 22 eta 8 emaitzarekin irabazitzat jo da Urrutikoetxea eta Martijaren alde, eta, ondorioz, hirugarren puntua lortu du bikote honek.
Aurretik, Bakaikoa-Larunbe eta Zabala-Bikuña bikoteen arteko partida jokatu da Zarautzen. Bigarrenak izan dira garaile partida berdindu eta lehiatu batean (20-22)