Zarautz-Gesalaga-Okelaneko gizonezkoen traineruak bi hitzordu izan ditu asteburu honetan. Atzo Bilbon jokatu zuten estropada, eta gaur, igandea, Santoñan izan dira. Seigarren denbora onena egitea lortu dute Kantabriako uretan jokatutako estropadan, 21:28,91 denbora eginda. Jardunaldiko onena Portugalete izan da, eta haren atzetik sailkatu da sailkapen orokorreko buru den Busturialdea.
Zarauzko traineruari lehenengo txandan aritzea egokitu zaio, Donostiarra, Mutriku, Hibaika eta Santoñarekin batera. Lehenbiziko txanda horretako hirugarren ziabogan denbora onena Zarautzek zuen arren, segundo batzuk galdu, eta Mutrikuren atzetik bigarren helmugaratu dira.
Sailkapen orokorrean zazpigarren postuan jarraitzen du Zarautzek.
Santoñako estropada
| Elkartea | Denbora | Puntuak | |
|---|---|---|---|
| 1. | PORTUGALETE | 20:58,29 | 10 |
| 2. | BUSTURIALDEA | 21:07,96 | 9 |
| 3. | MUTRIKU | 21:17,03 | 8 |
| 4. | GO-FIT HONDARRIBIA | 21:17,10 | 7 |
| 5. | DEUSTO-BILBAO B | 21:27,22 | 6 |
| 6. | ZARAUTZ-GESALAGA-OKELAN | 21:28,91 | 5 |
| 7. | DONOSTIARRA-AMENABAR | 21:37,82 | 4 |
| 8. | HIBAIKA SUSPERREGI EDUKIONTZIAK | 21:56,25 | 3 |
| 9. | IRC SANTOÑA | 22:24,02 | 2 |
Sailkapena orokorra
| Elkartea | Puntuak | |
|---|---|---|
| 1. | BUSTURIALDEA | 9,00 |
| 2. | PORTUGALETE | 8,63 |
| 3. | GO-FIT HONDARRIBIA | 7,25 |
| 4. | DEUSTO-BILBAO B | 6,50 |
| 5. | MUTRIKU | 6,13 |
| 6. | DONOSTIARRA-AMENABAR | 5,88 |
| 7. | ZARAUTZ-GESALAGA-OKELAN | 4,75 |
| 8. | HIBAIKA SUSPERREGI EDUKIONTZIAK | 3,71 |
| 9. | IRC SANTOÑA | 2,25 |
| 10. | ILLUNBE-FUNERARIA VASCONGADA | 1,20 |
