Gzk erabiltzailea izan da nagusi Egunean Behin jokoko Zarauzko Hitzaren taldean. Maiatzaren 3an jarri zuten martxan jokoaren zazpigarren denboraldia, eta hamar asteren ostean 2.848,48 puntu lortu ditu irabazleak; beraz, hark eskuratu du Ekain sagardo kaxa ekologikoa.
Gzk-ren atzetik Eneko Garmendia erabiltzailea sailkatu da bigarren 2.779,83 puntu eskuratuta, eta Txiko hirugarren oso alde txikiarekin, 2.779,10 puntu batuta. Irabazleak Zarauzko Hitzarekin jarri beharko du harremanetan saria eskuratzeko; zarautz@ukt.eus posta elektronikora mezua idatzi beharko du bere izen-abizenak eta telefono zenbakia adieraziz.
Codesyntax enpresak garatu du Egunean Behin jokoa, eta seigarren denboraldian aurrekoen logika bera erabili dute oraingoan ere: zortzi astetatik jokalari bakoitzaren bost onenak hartu dituzte kontuan sailkapen orokorra osatzeko.