Donostian jokatu zuten estropada atzo KAE2 ligako hamar traineruek, eta zarauztarrek lan txukuna egin zuten, nahiz eta beren txandan – bigarren txanda– denbora txarrena egin. Deusto gailendu zen txandan 21:38,91 denbora eginda, eta zarauztarrek 21:48,90 denboran amaitu zuten estropada.
Busturialdea izan zen garailea 21:13,09 denborarekin, eta bera da lider sailkapen orokorrean, Portugaletekin puntuetara berdinduta –35 puntu dituzte biek–. Zarautz-Gesalaga-Okelanek seigarren postuan amaitu zuen estropada, eta zazpigarrenak dira sailkapenean. Mutrikurengandik lau puntutara kokatu dira, atzo haiei aurre hartuta Donostian.
Zarauztarrek azaldu dutenez, estropada "oso gogorra" izan zen, "oso parekatua" Deustorekin, eta Donostiarra atzean uzten ere hasi ziren, baina "hirugarren luzean nekea" sumatu zuten eta arraunketarekin ere ez zuten asmatzea lortu, eta aurrez lortutako tartea galdu egin zuten.
Igandean 11:00etan izango dute hurrengo hitzordua, Portugaleten.
ESTROPADAKO EMAITZAK
| 1. | BUSTURIALDEA | 21:13,09 | 10 |
|---|---|---|---|
| 2. | GO-FIT HONDARRIBIA | 21:27,24 | 9 |
| 3. | PORTUGALETE | 21:31,38 | 8 |
| 4. | DEUSTO-BILBAO B | 21:38,91 | 7 |
| 5. | DONOSTIARRA-AMENABAR | 21:40,12 | 6 |
| 6. | ZARAUTZ-GESALAGA-OKELAN | 21:48,90 | 5 |
| 7. | MUTRIKU | 22:08,88 | 4 |
| 8. | HIBAIKA | 22:20,79 | 3 |
| 9. | IRC SANTOÑA | 22:24,75 | 2 |
| 10. | ILLUNBE-FUNERARIA VASCONGADA | 22:46,77 | 1 |
SAILKAPEN OROKORRA
| 1. | BUSTURIALDEA | 35 |
|---|---|---|
| 2. | PORTUGALETE | 35 |
| 3. | GO-FIT HONDARRIBIA | 29 |
| 4. | DONOSTIARRA-AMENABAR | 26 |
| 5. | DEUSTO-BILBAO B | 25 |
| 6. | MUTRIKU | 24 |
| 7. | ZARAUTZ-GESALAGA-OKELAN | 20 |
| 8. | HIBAIKA | 14 |
| 9. | IRC SANTOÑA | 8 |
| 10. | ILLUNBE-FUNERARIA VASCONGADA | 4 |
