Zarautz-Gesalaga-Okelaneko neskek aurreko asteetan baino estropada kaskarragoa egin dute gaurkoan Donibane Lohizunen (Lapurdi), emaitzari erreparatuta bederen.
Izan ere, zortzigarren eta bederatzigarren postuetan ibili izan dira liga hasierako jardunaldietan, baina gaur hamargarren egin dute; azken bigarren sailkatu dira, Lapurdiren atzetik. 11:55,02 denbora egin dute gaurkoan zarauztarrek.
Estropada gaur ere Tolosaldeak irabazi du, eta lider indartsua jarraitzen du izaten sailkapen orokorrean, 43 punturekin. Zarautz bederatzigarren dago gaur-gaurkoz, hamabi punturekin. Bihar Sestaon 10:30ean hasiko da lehia, eta gaurko emaitza hobetzen saiatuko dira ZAEko arraunlariak.
Sailkapen orokorra
| 1. | TOLOSALDEA A.T. | 43 |
|---|---|---|
| 2. | DEUSTO-TECUNI-BILBAO | 39 |
| 3. | HIBAIKA JAMONES ANCIN | 36 |
| 4. | DELTECO ZUMAIA | 30 |
| 5. | SAN JUAN-IGARTZA | 30 |
| 6. | ONDARROA-CIKAUTXO | 25 |
| 7. | ISUNTZA-ELECNOR | 21 |
| 8. | LUTXANA A.E. | 15 |
| 9. | ZARAUTZ-GESALAGA-OKELAN | 12 |
| 10. | LAPURDI | 9 |
| 11. | CASTRO CANTERAS DE SANTULLAN | 4 |
